موضوع لذيذ كدا أفتتاحية للمنتدي بمناسبة دخولي المنتدي يا رب يعجبكوا

عضو جديد

نشرة الأخبار تأتيكم من استديوهاتنا في كفر طهرمس

علمت النشرة ، كما يعلم الجميع ، أن المفاوضات بين العرب و إسرائيل قد وصلت ، وسوف تصل إلى نتيجة واحدة وهي " يبقى الوضع على ما هو عليه ، وعلى المتضرر الصراخ بالشجب و الإدانة "

وقد وافقت كل الأطراف المعنية ، وغير المعنية، والصناعية "واللي كانت معدية بالصدفة"، على هذه النتيجة من أجل إحلال السلام العالمي في منطقة الشرق الأوسط

وسوف يبقى الوضع على ما هو عليه لحين أن يستطيع العرب أن يرموا إسرائيل في البحر كما كانوا يزعمون ، ويقال أن سبب تأخر هذه الخطوة لأكثر من أربعين سنة أن "البحور كتيرة بس فين النفس"

يبقى الوضع على ما هو عليه لحين أن يعرف العرب أن السلام لا هو خيار استراتيجي ولا حتى خيار مخلل و أن ما أخذ بالقوة لا يسترد أبداً بالشجب و الإدانة

يبقى الوضع على ما هو عليه لحين ترقية الهنود الحمر في الجامعة العربية لرتبة بني آدم بيفهم

يبقى الوضع على ما هو عليه لحين وصول مصر لكأس العالم أو فوز الزمالك بالدوري و آدي دقني

يبقى الوضع على ما هو عليه طالما أن نضالنا يتلخص في الحلم العربي و الضمير العربي والسيد أبو العربي وصل ..، وطالما أن العرب حين يقتلون ويسحلون لا يتحركون إلا ل"بوس الواوا"، وطالما أن المواطن العربي يفخر بأنه (مش خرونج) ، وأنه - حفظه الله لمامته وأمته - كنج كونج أو كما قال أبو الليف

يبقى الوضع على ما هو عليه طالما أن الناس يرضون بما قسمه الله لهم و العرب يرضون بما قسمه الأمريكان و الإسرائيليون لهم

وفي هذا الصدد ننفرد بموافقة تاريخية جرت في المفاوضات حيث وافق الجانب الإسرائيلي على تقسيم حائط المبكى بينهم وبين العرب بحيث تأخذ إسرائيل الحائط و يكتفي العرب بالبكاء

عضو متألق

لاء مقدرش على كدة يا حبيبى كدة تقفلى القسم بتاعى قبل المنتدى وبرضو ادمن هيقولى يبقى الوضع على ماهو عليه ويغلق القسم الادبى اللى المفروض انا مشرفته وبرضو يبقى الوضع على ماهو عليه ومقدرش اقولك حاجة ع المقال يمكن ربنا يصلح حالك وتخف علينا شوية ما انا اصلى طيبة ومبحبش ازعل حد وخصوصا انت

عضو فعال

برضووووووووو
شكلك مش عايز تعيش ف البلد دى

عضو جديد

هو ايه دة أمال لو دخلت ف الغويط بقي هيحصل ايه هو انا قلت حاجة دة كله سخرية و نقد ساخر أنا مشرتش لأشخاص بعينهم أو قلت كلام قبيح يندي له الجبين كل اللي أنا قلته وصف للموقف العربي أو الموقف الجديد اللي ف طلخا والصور بتاعه البشر اللي موجودة فيه متبقوش خوافين لدرجة ان شبه الكلام يقلق كدا
وبعدين انا كاتب المقال أو ناشره عشان تقولوا رأيكوا مش تقولولي احنا خايفين ..وامشي جمب الحيط

عضو متألق

لاء لو سمحت يا قلبى انا مسمحلكش تقول خايفين لان انت عارف انا مابخفش من حد انا خايفة عليك انت

عضو متألق

ههههههههههههههههه
ولا يهمك دوس انت بس وكلنا وراك بس لو حصل حاجه طبعا انت عارف المبدأ عيـــــــــــــــــش ندل تمــــــــــوت مستور ولا هانعرفك اكيد بلاش خوف باكارمن انتى والكوين خلى قلبكوا قلب اسد

عضو متألق

ماشى يا قطة سبنالك قلب الاسد اما نشوف

عضو متألق

هاتشوفى يا كوييييييييين نيههههههههههههههههههههههههههههها هههههههههههههههه ضحكت الشياطين

عضو متألق

بجد مش لايق عليكى الشيطان دا انتى لو حد قالك بخ هتوقعى من طولك هههههه

» مطلوب مشرف للمنتدي الإسلامي
» تنبيه هام لأعضاء المنتدي الكرام
» لحجز مذكرات وكورسات جولدن سنتر عبر المنتدي
» لحجز مذكرات مستر هاني عطية عبر المنتدي
» ادارة المنتدى تهنئ الزميلة يارا طارق بمناسبة حفل زفافها