شكوى وطلب فى غاية من الاهمية

عضو جديد

اولا السلام عليكم ورحمة الله وبركاته

نرجو من ادارة المنتدى اتخاذ اللازم مع العضو lovelorn وذلك لتجاوزاته الاخلاقية
وامثلة على ذللك مما كتبه فى اغلب مواضيعه:
1-(مش عايز كلمة من حد ولو انا دخلت تاني توف ف وشي)
2-(محدش قرأ الحته اللي بتقولك وامرهم شورا بينهم)

هى دى بالنسبة ليك تبقى حتة ولا ايه؟

3- (ومن الاخر كدا اللي يزعل من كلامي يتفلق)
4-(دا أحنا بقينا ولا ولاد الشوارع)
5-(دا انا هفعصه برجليا)
6-(محدش قدى)
7-(عايز تحذف مواضيعي أو لأ عادي دا مجرد كلام ع ورق)
يعنى انت اساسا مش مقتنع بمواضيعك وبترفع اى كلام ف اى كلام

وغيره وغيره من المواضيع والردود اللى اتحذفت منه

طب ليه كل ده والاداره لم تتخذ معه اى اجراء
علما بان هذا قد يؤدى الى الاتى:
1-تشوية سمعة المنتدى
2-نفور الاعضاء من المنتدى
3-تقليد بعض الاعضاء لهذا العضو فبالتالى سيكتبون ايضا الفاظا لا تصح ابدا ولا تليق بنا ابدا

فهذا المنتدى لا يليق به ولا يليق بنا كطلاب جامعيين ان نستخدم مثل تللك الالفاظ

لذلك ارجو من ادارة المنتدى اتخاذ اللازم مع هذا العضو

ولكم جزيل الشكر والاحترام

عضو متألق

كل التعليقات اللى انت قولتها دى كانت فى كومنت واحد بس ليه

عضو جديد

اولا متشكر لمرورك Barbie
ولكن كنت اتمنى انى اسمع رايك

بالنسبة للتعليقات دى لا طبعا مش من موضوع واحد
دا اكتر من اربع او خمس مواضيع
لكن للاسف اتمسح منهم الكتير والكتير

عضو نشيط

هدى اللعب شويه يامستر
احمد طيب بس عيبه اللى فى قلبه على لسانه مش بيعرف ينافق

عضو جديد

يا سيدى الفاضل
-لو هو طيب فهو على عينى وراسى
-مبيعرفش ينافق
ماهو اغلبنا مش بيعرفوا ينافقوا

لكن محدش بيبقى بالطريقة ولا الاسلوب ده
اتمنى انك تفهمنى

عضو متألق

على فكرة انت فهمتنى غلط

انا اقصد ان ال 7 تعليقات اللى انت عملتهم على كلامه

كانوا فى توبيك واحد بس

اقصد انه اتقال اكتر من كده فى كل توبيك هو يدخله

انا مش داخلة اقول يتطرد او لا

بس حقيقى مضايقنى اوى لعب العيال بتاعه ده

قال انه بيبقى متضايق ... ما كلنا بنبقى متضايقين ... ليه محدش بيعمل كده؟

حتى اسلوبه غريب وهو نفسه مش عارف هو عايز ايه

شوية يقول انه مش هعمل حاجات وبيعملها ... ليه ده كله؟؟؟!!!!!!

ويدخل يهدد الاعضاء ... اعتقد ان احنا كبرنا على كده

قولنا ان ده منتدى تعليمى يعنى اللى يدخل .. يدخل بكل ادب واحترام

هياخد معلومة اوكى .. هيضيف معلومة اوكى

كل المنتدى يعتبر اسرة واحد يسودها حب واحترام وده واضح فى كل التوبيكات

انما لو دخل هو بيقلب الموضوع كله لاسباب مش مفهومة و مش بنفهم هو عايز يقول ايه

اتمنى مفيش حد يزعل من كلامى الصريح

زائر

بص يا شاطر خليك بعيد أحسن
دا تحذير أصل انا عيل قليل الأدب وسافل ، انا اعتذرت لكل المنتدي قبل ما أشوف الكلام العبيط دا ومتخلنيش اتعصب تاني عموما انته اللي شتمت الأول وقولتلي انته غيبوبه والناس شاهده كلها وانا ف الاخر أتأسفتلك إنما هتيجي تعمل حوار يبقي انته دخلت ف حرب مش ادها وههزأك تاني انا معنديش وقت لحد &اللي هيحترمني ع دماغي اما اللي هيتنطط عليا هسيأ بيه الأرض وبعدين انته مالك دا منتدنا انته داخل ليه مش عجبك مع السلامه والناس كلها عارفني شخصيا واحنا اصحاب جامد ولم نفسك بالذوق احسن وبطل حورات فاشله أصل بزهق بسرعه معلش بقي ومبحبش حد يفكر يزعلني أصل مجنون وممكن أعمل اي حاجه ولاسعه معايا ع الاخر ، شكرا يا شاطر اشوف وشك بخير.

زائر

معلش ما اخدتش بالي يا نور وبعدين انا مهددتش حد دا انا بضحك معاكوا إهيه شفيق يا راجل هههههه
شكلكوا صدقتوا جامد انا بس كنت بغلس وانتوا ساعدتوني وصدقتوا طب ازاي يعني اكون انا كدا وبتكلم معاكوا هنا وبضحك !!.. الشعب المصري دا جناية كبري والواحد يفضل يضحك عليه لما يزهق هههههه عموما رأيك ع دماغي من فوق إنما اي حد هيستعبط هتتجنن عليه اه انا مش عيل فرفور لأ دا انا ربنا عاطيني لسان ممكن ألسع بيه الحيه ذات نفسها بس ف نفس الوقت كل اصحاب المنتدي ليهم احترامي ومش بقل ادبي ع حد الا اذا قل ادبه هو .

عضو متألق

لو سمحتو كدا مش ينفع ف منتدى محترم زى ده والكلام ده مش المفروض يتقال هنا كدا مهزلة
وبعد اذن حضراتكم ياريت توفقو المهزلة دى

عضو متألق

لو سمحتو كدا مش ينفع ف منتدى محترم زى ده والكلام ده مش المفروض يتقال هنا كدا مهزلة
وبعد اذن حضراتكم ياريت توفقو المهزلة دى

عضو متألق

هو فى ايه ياجماعة هو المنتدى دا مش المفروض فيه ادارة ..هى فين بقى وساكتة ليه على اللى بيحصل دا المفروض العضو يلغى عضويته من المنتدى عشان كدا مش ينفع خالص Lovelorn

زائر

تم حذف العضـو

وتـم غلـق الموضوع نهائيـا

» شكوى